काठमाडौँ – प्रतिनिधिसभाको सभामुखमा नेपाली कांग्रेसले पनि उम्मेदवारी दर्ता गराएको छ।
नेपाली कांग्रेसकी सांसद ईश्वरी न्यौपानेले प्रतिनिधिसभा सभामुखका पदका लागि उम्मेदवारी दिएकी छन् । नयाँ बानेश्वारस्थित संसद् भवनमा पुगेर उनले बुधबार सभामुख पदका लागि उम्मेदवारी दर्ता गराएकी हुन् ।
न्यौपानेको प्रस्तावकमा कांग्रेस महामन्त्रीसमेत रहेका सांसद विश्वप्रकाश शर्मा छन् भने समर्थकमा नेकपा-एकीकृत समाजवादी)का सांसद प्रकाश ज्वाला छन्।
बिहीबार बिहान ११ बजे बस्ने प्रतिनिधिसभा बैठकमा सभामुखको निर्वाचन गर्ने संघीय संसद सचिवालयको तालिका छ।
