चितवन – चितवनमा नक्कली नोटसहित एक जना पक्राउ परेका छन् ।
पक्राउ पर्नेमा कालीका नगरपालिका वडा नं १ बस्ने ४२ वर्षीय गङ्गा तामाङ रहेका जिल्ला प्रहरी कार्यालय चितवनले जनाएको छ ।
उनको कोठाबाट एक हजार दरका एक सय ३७ थान खोटा मुद्रा (नक्कली नोट) बरामद गरिएको कार्यालयका प्रहरी नायब उपरीक्षक नरहरि अधिकारीले जानकारी दिए ।
पक्राउ परेकी तामाङको कोठाबाट भेटिएका मुद्रा नक्कली भएको उनले बताए । ।
उनलाई मुद्रासम्बन्धी कसुरमा म्याद थप गरी अनुसन्धान सुरु गरिएको उनले बताए ।-रासस
