काठमाडौँ – नेपाली कांग्रेसका नेता एवं गुल्मी १ का उम्मेदवार डा. चन्द्र भण्डारीले गुल्मेली जनताले आफूलाई जिताएर संसदमा पठाउने दाबी गरेका छन् ।
‘युवा, तरुण, दिदीबहिनीहरुले गुल्मीलाई समृद्ध बनाउने र राष्ट्रको मुद्दा उठाउने चन्द्र भण्डारी नै हो भनेर प्रेम र सद्भाव व्यक्त गरिरहनुभएको छ । २०७४ मा पनि मलाई धेरै तरिकाले जिताउनुभएकै हो । बुथ कब्जा गरेर विपक्षीले जिते । अब जनता भाषणमा होइन काम हेरेर भोट दिने पक्षमा छन् । पाँच वर्षपछि चुनाव क्षेत्रमा मुख देखाएर पार्टीको रसिदका आधारमा जनताले मत दिन्छन् भन्ने सोचेको भए त्यो गलत हुन्छ,’ डा. भण्डारीले भने ।
गुल्मेली युवाहरुको अभिमत आफ्नो पक्षमा रहेको पनि उनको जिकिर छ । डा. भण्डारीले भने, ‘अहिले युवाको सोच र दृष्टिकोण बदलिएको छ । ग्लोबल भिलेजमा नेपाल कहाँ उभिनुपर्छ, वीर नेपालीका छोराछोरीले यति सुन्दर देश छाडेर अरबमा बोरा बोक्न कहिलेसम्म जानुपर्ने हो रु युवाहरुको यही चिन्ता र चासो मैले बोकेको छु । विगत पाँच वर्षमा म संसदमा नहुँदा थुपैै्र विकास योजना अलपत्र परेका छन्, तिनलाई म अब पूरा गर्छु ।’ उनले गुल्मीमा जति गठबन्धन बलियो कहीं नभएको र कांग्रेसभित्र पनि कुनै मनमुटाव नरहेको बताए ।
