रुसले नियन्त्रणमा लिएका केही बस्तीमा आफूले नियन्त्रण गरेको युक्रेनले दाबी गरेको छ । राष्ट्रपति भोलोदिमिर जेलेन्स्कीले रुस नियन्त्रित आफ्ना धेरै बस्तीहरू पुनः कब्जामा लिएको दाबी गरेका हुन । तर ,युक्रेनी राष्ट्रपति जेलेन्स्कीले कुन ठाउँहरू आफ्नो पकडमा आएका हुन् भन्ने बारेमा नखुलाएको समाचारमा उल्लेख छ ।
पूर्वी खार्किभ क्षेत्रमा सम्भावित सफलताको बारेमा केही दिनदेखि चर्चा भइरहेको छ । तर युक्रेनी अधिकारीहरूले यसबारे कुनै जानकारी नदिएका बीबीसीले जनाएको छ । अमेरिकी अधिकारीहरूले युक्रेनले रुसी सेनाहरू विरुद्ध बिस्तारै तर अर्थपूर्ण प्रगति गरिरहेको बताएका छन् ।
