भत्तपुर,भदोै १- नेपाल कम्युनिष्ट पार्टी (नेकपा)को प्रभावशाली युवा संगठन राष्ट्रिय युवा संघ नेपालको इन्चार्जमा युवा नेता, पूर्वमन्त्री तथा प्रतिनिधिसभाका सांसद महेश बस्नेतले जिम्मेवारी प्राप्त गर्नुभएको छ ।
आज प्रधानमन्त्री निवास बालुवाटारमा बसेको सचिवालयको बैठकले सांसद बस्नेतलाई इन्चार्ज तोकेको हो । त्यस्तै सह-इन्चार्ज संघकै अध्यक्ष रामप्रसाद सापकोटा दिपशिखालाई तोकेको छ ।
सांसद बस्नेत पूर्व युवा संघ नेपालका अध्यक्ष समेत हुनुहुन्छ । उहाँले संघको करिव १० वर्ष अध्यक्षको रुपमा सञ्चालन गर्नुभएको अनुभवता समेत रहेको छ । उहाँको समयमा भएका युवा आन्दोलन हालसम्म अनुकरणीय समेत रहेका छन् ।
