काठमाडौं – त्रिभुवन अन्तरराष्ट्रिय विमानस्थलस्थित अध्यागमन कार्यालयको सर्भर डाउन हुँदा सयौं यात्रुलाई समस्या भएको छ।
करिब पौने १२ बजेदेखि सर्भर डाउन भएपछि केही उडानसमेत बन्द भएका छन्। अध्यागमनमा पटकपटक यस्तो समस्या हुँदा गृह मन्त्रालय र अध्यागमन विभागलाई ताकेता गरे पनि समाधान नभएको कर्मचारीको गुनासो छ।
सर्भरले काम नगर्दा आवागमन र प्रस्थानतर्फ भिसा र पासपोर्टको डिजिटल अध्ययन हुन नसकेकाले उडान प्रभावित भएको विमानस्थल स्रोतले बताएको छ।
सर्भर बिग्रिएको कारण फ्लाई दुबई, एयर इन्डिया, इण्डिगो एयर, थाई स्माइल, मलेसियन एयरलगायतका उडान प्रभावित भएको छ। उडान प्रभावित भएपछि हाल ३/४ सय यात्रु आक्रोशित भएर बसेका छन्।
