काठमाडौं – प्रतिनिधिसभा र प्रदेशसभा सदस्य निर्वाचनको मतगणना जारी छ। निर्वाचन आयोगकाअनुसार शुक्रबार बिहान साढे बजेसम्मको मतगणनामा प्रतिनिधिसभातर्फको समानुपातिकमा नेकपा एमाले नेपाली कांग्रेसभन्दा करिब ४५ हजार मतले अगाडि रहेको छ।
प्रत्यक्षतर्फ दोस्रो स्थानमा रहेको एमालेले समानुपातिकतर्फ सुरुआतदेखि नै अग्रता लिइरहेको छ। यो समाचार तयार पार्दासम्म उसले दश लाख ३३ हजार २२९ मत पाएको छ। कांग्रेसले नौ लाख ८९ हजार एक मत पाउँदा राष्ट्रिय स्वतन्त्र पार्टी चार लाख ८८ हजार छ सय ९७ मतसहित तेस्रो स्थानमा छ।
त्यस्तै चौथो स्थानमा रहेको नेकपा (माओवादी केन्द्र)ले चार लाख ५२ हजार ६४८ मत पाएको छ भने पाँचौँ स्थानमा रहेको राष्ट्रिय प्रजातन्त्र पार्टीले दुई लाख ६२ हजार ९२४ मत पाएको छ।
यो अवधिसम्ममा जनता समाजवादी पार्टीले एक लाख २९ हजार ६३३ मत ल्याएको छ। त्यस्तैगरी जनमत पार्टीले ७७ हजार ३१६, नेकपा (एकीकृत समाजवादी)ले ७३ हजार २३४ र नागरिक उन्मुक्ति पार्टीले ७० हजार ६२० मत पाएको छ।
नेपाल मजदुर किसान पार्टीले ५७ हजार ३४० मत पाउँदा लोकतान्त्रिक समाजवादी पार्टी नेपालले ५४ हजार ३२५ मत र हाम्रो नेपाली पार्टीले ३१ हजार ९३९ मत पाएको छ। राष्ट्रिय जनमोर्चाले २८ हजार ७८९ मत पाएको छ भने मङ्गोल नेशनल अर्गनाइजेसनले २० हजार ६५ मत पाएको छ।
नेकपा (माले)ले ११ हजार ४७ मत पाउँदा राष्ट्रिय जनमुक्ति पार्टी, नेपाल सङ्घीय समाजवादी पार्टी, सङ्घीय लोकतान्त्रिक राष्ट्रिय मञ्च, राष्ट्रिय प्रजातन्त्र पार्टी नेपाललगायत दलको समानुपातिकतर्फको मतसङ्ख्या १० हजारभन्दा कम छ।
