काठमाडौँ – नेकपा माओवादी केन्द्रका अध्यक्ष पुष्पकमल दाहाल प्रचण्डले यो पटक कर्णालीमा माओवादी केन्द्रको सरकार बनाउने गरी तयारी भइरहेको बताएका छन ।यस पटक प्रतिनिधि र प्रदेश दुबैमा सन्तुलित तालमेल गरिने भन्दै प्रचण्डले यस्तो बताएका हुन ।गठबन्धनमा संघ र प्रदेशको निर्वाचन क्षेत्र तोकेरै सिट बाँडफाँट हुने पनि उनले जानकारी दिएका छन ।
शुक्रबार सुर्खेत पुगेका प्रचण्डले सिट बाँडफाँटको विषयमा बाहिर चर्चा भएजस्तो गठबन्धनभित्र कुनै असहमति नभएको दाबी गरे । ‘प्रदेश र क्षेत्रसहित एकैपटक टुंगो लगाउने एक खालको सहमति भएको छ । असहमति भन्ने छैन । त्यसलाई प्रभावकारी कसरी बनाउने भन्नेतिर नै छलफल केन्द्रित छ,’ प्रचण्डले भने ।
