मेरो षडयन्त्रपूर्वक चरित्रहत्या भयो : पत्रकार इन्जिना कार्की – Himalayan Dainik

मेरो षडयन्त्रपूर्वक चरित्रहत्या भयो : पत्रकार इन्जिना कार्की


मेरो षडयन्त्रपूर्वक चरित्रहत्या भयो : पत्रकार इन्जिना कार्की

भारतीय जी न्युजकी पत्रकार इन्जिना कार्कीले आफूलाई ज्ञानेन्द्र शर्मा र उनका दाजु केदारनाथ शर्माले षड्यन्त्रपूर्वक चरित्रहत्या गरेको भन्दै सकिइसकेको लेनदेनकोे विषयलाई लिएर आफ्नो धन्दा लुकाउन आफ्नो चरित्रहत्या गरेको बताएकी छिन ।

काठमाडौँ – कार्कीले ठूलो ब्याजको प्रलोभनमा परेर १० लाख रुपैयाँ शर्मा दाजुभाइलाई दिएको खुलाइन् । ‘२१ महिनामा १० लाखको १६ लाख दिन्छु भनेर लिनुभयो तर फिर्ता गर्नुभएन,’ कार्कीले भनिन् । पैसा नदिन उल्टै षड्यन्त्र गरेर चरित्रहत्या गरेको बताइन् ।

भाइले विदेशबाट पठाएको घर खर्च पैसालाई बचाएर राखेको रकमको राम्रो ब्याज आउने सहकारीको खोजीमा आफू रहँदा केदार नाथले १० लाख रुपैयाँ राखेमा २१ महिनामा १६ लाख दिन्छु भनेपछि दिएको सुनाइन् । उनले भनिन्, ‘म उहाँको कुरा सुनेर, ठूलो ब्याजको लोभमा परेर राजिखुशीसाथ १० लाख रुपैयाँ ज्ञानेन्द्र शर्मा र केदारनाथ शर्मालाई दिएँ । सुरुमा केदारनाथलाई ५ लाख दिए । तर केदारनाथ सम्पर्कविहीन हुनुभयो ।’

विभिन्न प्रयासपछि शर्मा दाजुभाईले १६ लाख रुपैयाँको चेक २०७८ बैशाख २ गते साट्ने समय दिएर आफूलाई दिएको बताइन् । उनले भनिन्, ‘सो समयमा जाँदा खातामा पर्याप्त पैसा नै रहेनछ ।’

चेक बाउन्सको कुरा अगाडि बढाएपछि एनआइसी बैंकको खाता ८ लाख रुपैयाँ बैंकमा हालिदिएपछि पुन सम्पर्कविहीन भएको उनले आरोप लगाइन् । उनले आज राजधानीमा पत्रकार सम्मेलन गर्दै भनिन्, ‘मैंले लिन बाँकी ६ लाख रुपैयाँको चेक बाउन्स गरेको प्रहरीलाई खबर गर्छु भनेपछि हतार–हतार प्रहरीलाई खबर नर्गनुस भन्दै शर्मा दाजु भाईले २ लाख रुपैयाँ दिए अनि राजिखुशी साथ १६ लाख रुपैयाँको चेक फिर्ता गरेको हो ।’ पछि होटल हिमालय नजिकको क्याफेमा १ लाख दिने भनेर बोलाएर आफूमाथि प्रहरी लगाएको आरोप लगाइन् । प्रहरीको हिरासतमा आफूलाई निकै यातना दिएको उनले बताइन् ।