कैलाली – धनगढीबाट बाजुरा जाँदै गरेको ना ७ ख १७४ नम्बरको बस केआईसिंह राजमार्गअन्तर्गत डडेलधुराको अमरगढी नगरपालिका–१० राईबजार नजिकै दुर्घटना हुँदा १६ जना घाइते भएका छन् ।
घाइते हुनेमा छ महिला, दुई बालबालिका र आठ पुरुष छन् । घाइतेहरूको डडेल्धुरा अस्पतालमा उपचार भइरहेको र उनीहरू सबैको अवस्था सामान्य रहेको प्रहरीले जनाएको छ । प्रहरीका अनुसार आज बिहान ब्रेक फेल भएर बस नालीमा पल्टिएर सडकमा उत्तानो परेको बसका कारण केहीबेर सडक अवरूद्ध भएको थियो । अहिले भने सडक खुलाइसकिएको छ ।
