काठमाडौँ, १७ वैशाख –आज थप तीन जना जितपुरका ४३ वर्षीय पुरुष, सिम्रौनगढका ३१ वर्षीय पुरुष र वीरगञ्जका ४६ वर्षका पुरुषमा कोरोना संक्रमण देखिएसँगै देशभरमा संक्रमितको संख्या ५७ जना पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयले बुधबार गरेको प्रेस ब्रिफिङ्मा मन्त्रालयका प्रवक्ता डा. विकास देवकोटाले त्यसको जानकारी दिएका हुन् । उनका अनुसार १६ जना निको भएर घर फर्किएका छन् । सातै प्रदेशको क्वारेन्टाइनमा बुधबार २२ हजार ९०१ जना रहेको छ । प्रदेश १ को क्वारेन्टाइनमा दुई हजार ४७८ जना, प्रदेश २ मा एक हजार ४०४ जना वाग्मती प्रदेशमा छ सय ११ जना, गण्डकी प्रदेशमा छ सय ९४, प्रदेश ५ मा १२ हजार ५१५ जना, कर्णाली प्रदेशमा ३ हजार ९६३ र सुदूर पश्चिम एक हजार २३६ जना रहेका मन्त्रालयले जनाएको छ ।
आज देशैभरका अस्पतालको आइसोलेनमा ८७ जना रहेका छन् जसमा काठमाडौँ उपत्यकामा ४ जना र उपत्यका बाहिर ८३ जना रहेको मन्त्रालयले जनाएको छ ।
