काठमाडौँ, १२ वैशाख – प्रधानमन्त्री केपी शर्मा ओलीले शुक्रबारको लागि मन्त्रिपरिषद् बैठक बोलाउनु भएको हो ।
बैठक बिहान ११ बजेका लागि बोलाउनु भएको हो । अध्यादेशको चौतर्फी आलोचना भएपछि प्रधानमन्त्री केपी ओलीले नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ र नेता माधवकुमार नेपाललाई अध्यादेश खारेज गरिने आश्वासन दिनुभएको थियो ।
तर, अध्यादेश कहिले फिर्ता हुने अन्यौल बढेपछि भैँसेपाटीमा नेकपाका शीर्ष नेताहरुको बैठकले तत्कालै अध्यादेश फिर्ता हुनुपर्ने निष्कर्ष निकालेको थियो ।
