एजेन्स, २७ चैत – विश्वभर महामारीका रूपमा फैलिएको कोरोना भाइरसले गर्दा खेलकुदको कुम्भ मेल टोकियो ओलम्पिक २०२० एक वर्षका लागि सर्न गयो । जसले गर्दा २०२० को ओलम्पिकका लागि छनोट भएका खेलाडीले पुनः छनोट हुने विषयमा अन्योल रहेका थिए ।
अब पहिले छनोट भएका खेलाडीको कोटा सुरक्षित हुने भएको छ । अर्थात् पहिले छनोट भएका खेलाडीहरू पुनः छनोट खेल खेल्न नपर्ने भएको हो । ओलम्पिकका लागि अन्तर्राष्ट्रिय खेल महासंघले २९ जुन २०२१ सम्म ओलम्पिकका लागि नयाँ छनोट समय तोकेको छ ।
ओलम्पिक भने २३ जुलाई २०२१ देखि ८ अगस्तसम्म हुनेछ । आईओसीले पहिले छनोटको संघारमा रहेका खेलाडीको हितमा पनि केही सोच्ने बताएको छ । साथै यसअघि छनोट भएका खेलाडीको भने कोटा सुरक्षित रहेको बताएको छ ।