काठमाडौँ, २४ चैत – विश्वव्यापी महामारीको रुपमा फैलिएको नोबेल कोरोना भाइरसको सक्रमणबाट हजारौको मृत्यु भैसकेको छ भने लाखौको संख्यामा संक्रमित भएका छन् । विश्वव्यापी यस भयाभह अवस्थामा नेपालमा पनि संक्रमण देखापरेको सन्दर्भमा थप संक्रमण फैलिन नदिन अपनाउनुपर्ने सावधानी र सचेतना वारे संचार क्षेत्रको उत्तरदायित्वका सम्वन्धमा महासंघ उपत्यका प्रदेश समिति कोभिड–१९ को जोखिम कारण उत्पन्न परिस्थितिमा पनि जनताको सूचना र समाचारको अधिकारलाइ अक्षुण्ण राख्दै आफ्नो कर्म क्षेत्रमा निरन्तर क्रियाशील प्रदेश समिति आवद्ध र सवै सञ्चारकर्मीमा हार्दिक कृतज्ञता व्यक्त गर्दछ ।
“आफु बाँचौँ र अरूलाई पनि बचाऊ” भन्ने मन्त्रलाई आत्मसात् गर्दै मुलकमा देखिएको संक्रमणको चुनौती पूर्ण अवस्थामा पनि आत्मविश्वास र मनोबल सहित आफ्नो कर्म क्षेत्रमा निरन्तर क्रियाशील हुुदै जनताको सूचना र समाचार प्राप्तिको हकलाइ जिवन्त राख्न पत्रकारिता जगतले दृढ इच्छाशक्ति कायम राख्दै पेशागत आचारसंहिता पालना गरी खेलेको भूमिका आफैमा स्वागतयोग्य रहेको छ ।
मुलुक लकडाउनको अवस्थामा रहेको संकट एवम् जोखिमपूर्ण स्थितिमा क्रियाशील सञ्चारकर्मी र सञ्चारमाध्यमको लागि विद्युत, टेलिफोन, इन्टरनेटसहितका सञ्चार सामग्रीमा छुट र अनुदानको व्यवस्था,लकडाउन अवधिमा प्रकाशन आवद्ध पत्रकारले नै सञ्चालन गरेका स्वरोजगारमुखी पत्रपत्रिकाको हकमा लोककल्याणकारी विज्ञापन, भुक्तानी पत्रकारका लागि दुर्घटना तथा स्वास्थ्य बीमा, निःशुल्क उपचार र जोखिम मोलेर कार्यक्षेत्रमा खटिने श्रमजीवि पत्रकारका लागि स्वास्थ्य सुरक्षासम्बन्धी सामग्री सहित तत्काल राहत प्याकेज घोषणा गर्दै सहजता प्रदान गर्न किमार्थ विलम्न नगर्न महासंघ उपत्यका प्रदेश समिति सरकारको विशेष ध्यानकर्षण सहित जोडदार माग गर्दछ ।
साथै प्रदेश समितिआवद्ध एवम् सम्पूर्ण सञ्चारकर्मी साथीहरुलाई आफू सुरक्षित रही कोरोनाको संक्रमण नियन्त्रणमा सघाउ पु¥याउने गरी सचेतनामूलक सामग्री प्रवाह गर्ने आफ्नो दायित्वपूरा गर्दै सजग रहन समेत आव्हान गर्दछौं ।
