बेइजिङ ,१८ चैत – चिनियाँ स्वास्थ्य मन्त्रीले अमेरिकी समकमक्षीलाई कोरोना भाइरविरुद्ध मिलेर लड्ने प्रतिबद्धता जनाएका छन् । चिनियाँ स्वास्थ्यमन्त्री मा सीयाओवीले सोमबार अमेरिकी स्वास्थ्य तथा मानव सेवामन्त्री एलेक्स अजरलाई फोन गर्दै नोभेल कोरोना भाइरसविरुद्ध मिलेर लड्ने प्रतिबद्धता व्यक्त गरेका हुन् ।
चिनियाँ स्वास्थ्य कमिसनले जारी गरेको सूचना अनुसार फोन कुराकानीका क्रममा चिनियाँ स्वास्थ्यमन्त्री माले भने, “चीन खुलापन, पारदर्शीता र जिम्मेवारीका साथ कोरोना भाइरसको प्रकोपविरुद्ध लडिरहेको छ ।” उनले चीन अमेरिकासँग आफ्नो कोरोनाविरुद्धको लडाइँको अनुभव सेयर गर्न तयार रहेको बताएका छन् । अमेरिकाले जारी गरेको विज्ञप्ति अनुसार अमेरिकी स्वास्थ्य मन्त्री अजरले चीनको कोरोनाविरुद्धको लडाइँको प्रशंसा गरेका थिए । उनले चीनले नोभेल कोरोना भाइरसविरुद्ध ठूलो सफलता हात पारेको छ ।
अमेरिकी स्वास्थ्य मन्त्री अजरले अमेरिका जनस्वास्थ्यको सुरक्षाका लागि चीनसँग मिलेर काम गर्न सहमत भएको समेत बताए । – सिएनएन
