काठमाडौं, १६ माघ – राष्ट्रपति विद्यादेवी भण्डारीले बसन्त श्रवण गर्नुभएको छ । वसन्त पञ्चमीका अवसरमा हनुमानढोका दरबार परिसरमा आज बिहान वसन्त श्रवण गरी टीका तथा प्रसाद ग्रहण गर्नुभएको हो ।
उहाले विहान ९ बजेर ५ मिनेटको शुभसाइतमा बसन्त श्रवण गर्नुभयो । बसन्त श्रवणका लागि प्रधानमन्त्री केपी ओली, प्रधानन्यायाधीश चोलेन्द्र शम्सेर जबरा तथा सभामुख अग्नि सापकोटाको समेत उपस्थिति थियो ।
संवैधानिक निकायका चारै जनाले वसन्त श्रवण गरी टीका, माला र प्रसाद ग्रहण गर्नुभएको थियो । परापूर्वकालदेखि वसन्त पञ्चमीका दिन राष्ट्राध्यक्ष एवम् सरकार प्रमुखलगायत नेपाल सरकारका विशिष्ठ व्यक्ति त्यहाँ पुगी वसन्त श्रवण गर्ने परम्परा रहिआएको छ ।
