काठमाण्डाै, भदोै १७ – नेकपाका महासचिव विष्णु पौडेल मंगलबार सिंगापुर जानुभएकाे छ ।
पार्टी अध्यक्ष तथा प्रधानमन्त्री केपी शर्मा ओलीको स्वास्थ्य अवस्था बुझ्न उहाँ दिउँसो सवा एक बजे सिँगापुर लाग्नुभएको हो । महासचिव पौडेल प्रधानमन्त्रीसँगै आउँदो शुक्रबार स्वदेश फर्कने कार्यतालिका छ । जाँदा जाँदै प्रधानमन्त्री ओलीकाे स्वास्थ्य अवस्था सामान्य रहेकाे उहाँले बताउनुभयाे ।
गएको ५ गते उपचारका लागि सिंगापुर गएका प्रधानमन्त्री केपी शर्मा ओलीको नेशनल युनिभर्सिटी अस्पतालमा उपचार भैरहेको छ ।
प्रधानमन्त्री ओलीको सोमबार छैटौँ चरणको प्लाज्मा फेरेसिस गरिएको र बुधबार अन्तिम चरणको उपचार गरी शुक्रबार स्वदेश फर्किने कार्यतालिका रहेकाे उहाँको सचिवालयले जनाएको छ ।
