लण्डन, १५ मंसिर – युभेन्टस इटालियन सिरी ए फुटबलमा जितको लयमा फर्किएको छ। लिग अन्तर्गत मंगलबार राति भएको खेलमा युभेन्टसले पुछारको क्लब सालेर्नितानालाई २–० ले पराजित गरेको हो ।
युभेन्टसका लागि २१ औँ मिनेटमा पाउलो डिबाला तथा ७० औँ मिनेटमा अल्भारो मोराताले गोल गरेका हुन् । डिबालाले इन्जुरी समयको पाँचौँ अर्थात ९५ औँ मिनेटमा पाएको पेनाल्टीमा भने गोल गर्न सकेनन् ।
युभेन्टसले यसअघि भएका खेलमा चेल्सीसँग ४–० तथा एट्लान्टासँग १–० को हार बेहोरेको थियो। मंगलबार राति भएको खेलमा जित निकालेर युभेन्टसले हारको क्रम तोडेको हो । जितपछि सातौँ स्थानको युभेन्टसको १५ खेलबाट २४ अंक भएको छ ।
